كل عضو جديد يشارك في المنتدى
يدور بخاطره .. هذا المشرف ..كيف عيّنوه ؟؟ ولا هذا الإداري كيف حصل على هالمنصب ؟؟
ويدور بخاطره : ليش انا ما أشارك وأكون أحسن منهم عشان يشيلونهم من منصبهم ويحطوني ؟
ممكن هالمشرف ولا هالإداري ما يتواجد دوم ..أو مهمل لقسمه
ومنتداه أو مواضيعه كلها مكرره تقريبا أو مشاركاته قليله أو أو أو...
ويبدأ يشارك ويتفاعل وتكون روحه جميله وخفيفه على الأعضاء ويحب المنتدى ..
مع الأيام ينسى الكلام اللي قاله فالبداية وينسى الطمع اللي كان فيه ..
لأنه المنتدى أعجبه وحب اعضائه ومشرفينه
ولو انهم ما يشاركون دوم بس لهم طابع من الذكريات الحلوة ..
لكــن :-
يشوف المشرف زاد من اهماله ..وقام يقطع بالفترات الطويلة دون اي اعذار ..وقام يتمادى بإنه ما يحط ولا موضوع ..ويشارك مشاركات قليلة وما يشجع الأعضاء ولا يتفاعل مع منتداه الخاص به ..
يرد يدور فباله :-
ليش ما أتفاعل في المنتدى اللي هالمشرف مهمله ؟؟
يمكن تشوفني الإدارة أحسن منه وتحطني بداله !!
وفعلا يتفاعل في المنتدى ويقترح فجأة عالإدارة هالشي .. ما بوسع الإدارة غير انها تنفذ الطلب .. ليش ؟؟
لأنه المشرف أهمل منتداه واهمل مواضيعه
ومشاركاته وقطع عن المنتدى .. ومن يدخل
ويشوف انه نزلوه .. يشارك كم مشاركة مجاملة في الادارة
والاعضاء ويقطع فجأة بلا سابق انذار ويودع المنتدى ..
وهالأمر ينطق على الإداريين ..
إذا المدير شاف منهم إهمال .. ينزلهم ويحط الأعضاء المتفاعلين
والنشيطين عشان يرقى بمنتداه ويسوي اللي هو يشوفه الأفضل ..
خل نبيّن للكل انه اللي حصل منصب في المنتدى .. يستاهله وبكل
جداره .. مو انه حصل المنصب لمجرد تفاعله لمدة بسيطه
وبعدين يتغيّر وما يعود نفس قبل .. وفجأة يقطع ..
المغزى من الكلام يا أخوتي .. اخواني الأعزاء :-
1- رجاء من كل عضو جديد أو مشارك أو قديم أو حتى مسجل ..
ويشاهد فقط .. إنه يفكر بالمنتدى ويتفاعل معاه .. ويساهم في تطويره وحتى لو كانت له مطالب خاصه .. بيلاحظ انه مع الأيام تختفي .. لإنه بيحس انه في بيت واحد ووسط عائلة وحده ما يفرقها لا مدير ولا اداري ولا مشرف
ولا عضو ولا حتى زائر وبيحس انه الكل مثل بعض ومافي حد أحسن من الثاني ..
واعتبروا هاي رسالة لنا جميعا .!
2- رجاء من كل مشرف انه يحاول يجتهد .. ويشد حيله مع منتداه الخاص أولا .. والمنتدى بالكامل ثانيا للتطوير .. والرقي بالمنتدى لأعلى من مستواه الحالي وما نقول انه مستواه الحالي نازل .. بل نقول نحن نطمح في الأفضل دائما .. ونحاول نرفع إسم منتدانا عاليا .. ونحاول نكون فالمرتبة الأولى
وبعد أفضل من غيرنا .. بالتجديد في المواضيع وعمل المسابقات
والتجمع في منتدى المشرفين كل اسبوع عالأقل مرة للتشاور في خطط جديده والنظر في المشكلات المواجهه لنا ومحاولة حلها..وان نكون جميعا على يد واحده .!
3- رجاء من الإدارة بكامل عناصرها المتابعه الدائمة للمنتدى والمشرفين بوجه الخصوص والنظر في مشكلاتهم ومساعدتهم والأخذ بوجهات النظر والتفكير بعمق فيها وعمل الجيد منها لمحاولة التجديد الدائم فالمنتدى
وهكذا نرقى بمستوى المنتدى عاليا ..
كتبت هالموضوع فقط للتذكره وليس عتابا على أي عضو ولا أي مشرف أو إداري .. ولكنه تذكير من أجل التفاعل الكامل من قبل الجميع
والتعاون على ابراز وصقل المهارات المخبئة عن الكل
اخواني :.: اخواتي
المنتدى مكان لكم جميعا ..لإظهار ما هو مخبأ في جعبتكم من مواضيع
ومشاركات وغيرها .. فلا تبخلوا على البقية بكل هذه الثروات
ومعا نستطيع فعل الأفضل دائما ونستطيع أن نكون في المقدمة ببذل الجهد
والتعاون والتفاهم فيما بيننا ..
لـــــــــــــــــــكم مني اجمـــــــــــــل تحيــــــــــــــــــــــه..~
موضوع: أريدأكون " مشــرف " .. أريد أكون " إداري " ..!!